ABŞ federal hökumətinin qismən bağlanması (şətdaun) Demokratlardan daha çox Respublikaçılar Partiyasına zərər verə bilər.
Musavat.com xəbər verir ki, məlumatı Axios ABŞ Konqresinin respublikaçı senatorları ilə Amerika prezidenti Donald Tramp arasında görüşün gedişatı ilə tanış olan mənbəyə istinadən yayıb.
Qeyd edilib ki, qəbulun qapalı hissəsində Tramp hökumətin bağlanmasının davam etməsi halında partiyanın “öləcəyini” və nümayəndələrinin "respublikaçı boşboğaz" hesab ediləcəyini bildirib. O qeyd edib ki, bağlanma sözdə filibusterə - Ağ Ev rəhbərinin sözlərinə görə, siyasi rəqibləri tərəfindən tətbiq edilən, qanun layihələrinin müzakirəsini və qəbul edilməsini təxirə salma təcrübəsinə son qoymaqla mümkün qədər tez başa çatdırılmalıdır: "Əgər maneələrə son qoymasanız, böyük problemləriniz olacaq".
Bloomberg daha əvvəl ABŞ hökumətinin bağlanmasının Amerika iqtisadiyyatına həftədə təxminən 15 milyard dollara başa gəldiyini yazmışdı. İqtisadçılar xəbərdarlıq edirlər ki, bağlanma 27 noyabrda qeyd olunan Şükranlıq gününə qədər davam edərsə, geri dönməz itkilər təxminən 14 milyard dollar təşkil edəcək.
Musavat.com
