Türk Hava Yolları, Boeingdən alacağı 75 yeni B787 təyyarəsi üçün mühərrik almaq məqsədilə GE Aerospace ilə razılığa gəlib. Sövdələşmənin məbləği hələ açıqlanmayıb.
Vətəninfo.az xəbər verir ki, Türk Hava Yolları özünün ictimai portalında yaydığı məlumata görə, sentyabr ayında şirkət, 2029-2034-cü illər arasında Boeing-dən 225 yeni təyyarə almağı planlaşdırdığını açıqlamışdı. Bu təyyarələrdən 75-i B787-9 və B787-10 modelləridir, bunların 50-si möhkəm sifariş, 25-i isə opsionlardır.
Türk Hava Yolları bildirib ki, GE Aerospace ilə keçirilən tenderin nəticəsində, B787-9 və B787-10 təyyarələri üçün mühərriklər, ehtiyat mühərriklər və mühərrikə texniki xidmətlər üzrə razılıq əldə edilib. Lakin müqavilənin dəyəri barədə məlumat verilmir.
Şirkət daha əvvəl bildirmişdi ki, 2035-ci ilə qədər donanmasını tamamilə yeni nəsil təyyarələrlə yeniləməyi nəzərdə tutur.
