Ayna saytına istinadən ain.az xəbər verir.
Dünya təşkilatı hakimiyyəti qadınların təhsili və məşğulluğuna qoyulan məhdudiyyətləri aradan qaldırmağa çağırır
BMT Əfqanıstan rəhbərliyini qadınların təhsili və məşğulluğuna mane olan məhdudiyyətləri aradan qaldırmağa çalışır. AYNA.AZ xarici mediaya istinadən bildirir ki, bu barədə BMT Baş katibinin xüsusi nümayəndəsinin müavini və BMT-nin Əfqanıstandakı humanitar koordinatoru İndrika Ratvatte deyib.
Dünya təşkilatının rəsmisinin sözlərinə görə, bu siyasət qəbuledilməzdir, çünki “bu, Əfqanıstan qadınlarının vəziyyətinə mənfi təsir göstərir, onları ictimai həyatda iştirak etmək və ölkənin iqtisadi inkişafına töhfə vermək imkanından məhrum edir”.
Ratvatte vurğulayıb: "Mən daim de-fakto hakimiyyət orqanlarına bu məhdudiyyətləri aradan qaldırmağa çağırıram".
Onun sözlərinə görə, Əfqanıstan hökumətinin 2022 və 2023-cü illərdə qəbul etdiyi fərmanlar qadınların qeyri-hökumət təşkilatlarında və sonradan BMT agentliklərində iştirakını məhdudlaşdırıb və qadınların orta və ali təhsil almasını da qadağan edib. Bununla belə, o əlavə edib ki, təhsil və səhiyyə sahəsində çalışan qadınlar üçün istisnalar edilib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
