UEFA Gənclər Liqasının “Qarabağ” - “Çelsi” oyununda (0:5) insident yaşandığı barədə məlumat vermişdik.
Matçın 57-ci dəqiqəsində qonaqların hücumçusu Sol Qordonun hərəkəti insidentə səbəb olub. 17 yaşlı forvard qol vurduqdan sonra “Qarabağ” azarkeşlərinin toplaşdığı tribunalara tərəfə qaçaraq jestlər edib. Buna qəzəblənən yerli fanatların bəziləri müxtəlif jestlərlə ona qarşılıq veriblər. Hətta buna görə görüş bir neçə dəqiqə dayandırılıb.
Hadisənin eksklüziv görüntülərini sizə təqdim edirik.
Qeyd edək ki, Məsələ ilə bağlı Ağdam təmsilçisinin mətbuat xidmətinin rəhbəri Anar Hacıyev Publika.az-a açıqlama verib. "Hadisədən xəbərdarıq. Hazırda məsələ ilə bağlı araşdırma aparılır", - deyə klub rəsmisi bildirib.
