Ayna portalından alınan məlumata görə, ain.az xəbər verir.
Qəzzada atəşkəsin qorunması və sülh planının növbəti mərhələləri müzakirə edilib
Türkiyənin Milli Kəşfiyyat Təşkilatının (MİT) rəhbəri İbrahim Kalın İstanbulda Siyasi Büro üzvü və HƏMAS danışıqlar qrupunun rəhbəri Xəlil əl-Həyya və onu müşayiət edən nümayəndə heyəti ilə görüşüb. Bu barədə AYNA.AZ Türkiyə mediasına istinadən bildirir.
Görüş zamanı HƏMAS nümayəndələri Türkiyə Prezidenti Rəcəb Tayyib Ərdoğana və Ankaraya Qəzzada atəşkəsin təmin edilməsində vasitəçilik səylərinə və qarant roluna görə minnətdarlıqlarını bildiriblər. Nümayəndə heyəti İsrailin pozuntularına baxmayaraq, razılaşmaya sadiqliyini bir daha təsdiqləyib.
Söhbət zamanı tərəflər atəşkəsin sabit işləməsi üçün lazım olan addımları, mövcud problemlərin aradan qaldırılması yollarını və sülh planının həyata keçirilməsinin növbəti mərhələlərini müzakirə ediblər.
Onlar həmçinin Türkiyənin Qəzza sakinlərinə verdiyi humanitar yardım və təchizat həcminin artırılması üçün beynəlxalq təşkilatlarla birgə səylərə toxunublar.
Sonrakı hadisələr barədə daha çox məlumat almaq üçün ain.az saytını izləyin.
