ain.az bildirir, Azpolitika.az portalına istinadən.
NATO baş katibi Mark Rütte Buxarestdə keçirilən sənaye forumunda alyans üzvlərinin sursat istehsalında vəziyyəti dəyişdiyini bildirib.
O vurğulayıb ki, indi NATO Rusiyadan bu sahədə geri qalmır və bir sıra ölkələrdə yeni istehsal xətləri açılır, mövcud müəssisələr genişləndirilir.
Rüttenun sözlərinə görə, əvvəllər Rusiya bütün NATO ölkələrinin birgə istehsalından daha çox sursat istehsal edirdi, lakin indi bu vəziyyət dəyişib.
“Bütün alyans üzrə biz indi onlarla yeni istehsal xəttini işə salır və mövcud xətləri genişləndiririk”, - deyə o qeyd edib.
Baş katib əlavə edib ki, sursat istehsalındakı bu irəliləyiş başqa sahələrdə də genişləndirilməlidir - yüksək səviyyəli hava hücumundan müdafiə vasitələrindən tutmuş ucuz dron-interseptorlara qədər. Onun fikrincə, kəmiyyət vacib rol oynayır və burada yaradıcı yanaşma da mühüm amildir: “Məsələ yeniliklərdəki gücdür. Biz rəqiblərimizi bütün potensialımızdan istifadə edərək qabaqlamalıyıq ki, gələcəkdə təhlükəsiz qalaq".
Rütte həmçinin aliansın əlverişli və tez istehsal imkanlarını artırmaqla yanaşı, müttəfiqlərin müdafiə qabiliyyətlərini gücləndirmək üçün innovasiyalara və sənaye investisiyalarına ehtiyac olduğunu bildirib.
"AzPolitika.info"
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
