Hurriyyet.az xəbər verir ki, ABŞ Prezidenti Donald Tramp sahibi olduğu "Truth Social" şəbəkəsində Özbəkistan ilə yeni ticari və iqtisadi razılaşma barəsində məlumat verib. Razılaşma əsasında Özbəkistan Birləşmiş Ştatlara 10 il ərzində 100 milyard dollar sərmayə qoyacaq.
Tramp bu sazişdən sonra iki ölkə arasındakı münasibətlərdə yeni bir dövrün başlanacağını bildirərək yazıb: "Uzunmüddətli və məhsuldar əməkdaşlıq qurmaq istəyirik".
Trampın açıqlamasına görə, Özbəkistan qarşıdakı 3 il ərzində ABŞ-nin mədənçilik, aviasiya, avtonəqliyyat, infrastruktur, kənd təsərrüfatı, energetika, kimya və elmi texnologiyalar kimi strateji sahələrinə 35 milyard dollar investisiya xərcləyəcək.
Ümumilikdə 10 il ərzində isə özbəkistanın Amerikaya 100 milyard dollardan artıq sərmayə qoyması gözlənilir.
Tramp Özbəkistan Prezidenti Şövkət Mirziyoyevə təşəkkürünü bildirərək yazıb: "Bu razılaşma iki ölkə arasında davamlı, strateji iqtisadi əməkdaşlığın başlanğıcı olacaq".
Hürr Tərcüman
