Ukraynada rus aktyor, milis polkovnik-leytenantı Boris Polovinkin öldürülüb.
Musavat.com xəbər verir ki, o, "Uçastkovı Detektiv" serialında özəl detektiv Andrey Savelev obrazı ilə tanınırdı.
Rus KİV-lərinin məlumatına görə, Polovinkin bu ilin aprelindən itkin düşmüş hesab olunurdu. Sonradan müəyyən edilib ki, o, Donetsk vilayətinin Kurdumovka qəsəbəsi yaxınlığında məhv edilib.
1990-cı illərdə milisdə xidmət edən Polovinkin Çeçenistan müharibəsində iştirak edib və polkovnik-leytenant rütbəsinə qədər yüksəlib. 2025-ci ilin yazında o, yenidən müharibəyə, bu dəfə Ukraynaya yollanıb. Ukrayna dronu onun gizləndiyi sığınacağı vurub və nəticədə Polovinkin dörd digər hərbçi ilə birgə məhv edilib.
Musavat.com
