Türkiyənin hərbi rəhbərliyi Azərbaycana gəlib

Türkiyə milli müdafiə naziri Yaşar Güler 8 Noyabr – Zəfər Günü münasibətilə keçirilən bayram tədbirlərində iştirak etmək üçün Azərbaycana səfər edib.
APA xəbər verir ki, bu barədə Türkiyə Milli Müdafiə Nazirliyi məlumat yayıb.
Nazir Yaşar Güleri Türkiyənin Azərbaycandakı səfiri Birol Akgün və digər rəsmi şəxslər qarşılayıblar. Nazirə səfərdə Baş Qərargah rəisi ordu generalı Selçuk Bayraktaroğlu, Hərbi Dəniz Qüvvələri komandanı oramiral Ercüment Tatlıoğlu, Hərbi Hava Qüvvələri komandanı ordu generalı Ziya Cemal Kadıoğlu və Quru Qoşunları komandanı ordu generalı Metin Tokel müşayiət edirlər.

• Türkiyə
• Müdafiə Naziri
• Yaşar Güler
• Zəfər Günü
• Azərbaycana Səfər