Anadolu Xəbər Agentliyinin məlumatına görə, İstanbul Respublika Prokurorluğu 17 futbol hakimi və Türkiyə Super Liqasında adı açıqlanmayan bir futbol klubunun rəhbəri də daxil olmaqla 21 nəfər üçün həbs qərarı verib.
Hakimlər vəzifələrindən sui-istifadə etməkdə və matç nəticələrini manipulyasiya etməkdə ittiham olunurlar. Bu, bir çox hakimin idmana qanunsuz mərc etməsi iddiası ilə bağlı daha geniş araşdırmanın bir hissəsidir. “Anadolu” xəbər verir ki, 21 nəfərdən 18-i artıq saxlanılıb.
Qalmaqal oktyabr ayında Türkiyə Futbol Federasiyası (TFF) öz araşdırmasını apararaq türk futbol hakimlərinin təxminən dörddə birinin “fəal şəkildə idmana mərc etdiyini” bildirəndə başlayıb. TTF İntizam Şurası daha sonra 149 hakimi bir il müddətinə kənarlaşdırıb. Hakimlərin yerli futbol matçlarına mərc edib-etmədiyi barədə o vaxt məlumat verilməyib. Hər halda, Beynəlxalq Futbol Assosiasiyaları Federasiyasının (FIFA) və Avropa Futbol Assosiasiyaları İttifaqının (UEFA) qaydaları hakimlərə mərc etməyi qadağan edir. Bu cür pozuntular ömürlük qadağa da daxil olmaqla ciddi cəzalarla nəticələnir.
//Samir Qurbanov, Editor.az
