Avropa İttifaqı Rusiyadan və Çindən gələn “dezinformasiya təhlükəsinə” qarşı vahid mübarizə mərkəzi yaratmağa hazırlaşır.
Musavat.com xəbər verir ki, bu barədə "The Guardian" məlumat yayıb.
Mərkəzin yaradılması təşəbbüsü Avropa Komissiyasının sədri Ursula fon der Lyayenə məxsusdur. Rəsmi sənədin 12 noyabrda açıqlanacağı gözlənilir.
Yeni mərkəz, məlumat manipulyasiyalarına qarşı mübarizədə:
-
Aİ ölkələrinin ekspertlərini,
-
Həmçinin Aİ-yə üzv olmağa namizəd ölkələrin mütəxəssislərini birləşdirəcək.
Məqsəd — operativ məlumat mübadiləsini təmin etmək və mümkün xarici informasiya müdaxilələri barədə üzv dövlətləri vaxtında xəbərdar etməkdir.
Brüssel sənəddə açıq şəkildə bildirir ki:
-
Rusiyanın Avropada təsir yaratmaq məqsədilə “hibrid informasiya hücumları” həyata keçirdiyi düşünülür,
-
Çin isə qitədə media təsir dairəsini genişləndirməyə çalışan əsas ikinci mərkəz kimi göstərilir.
“Mərkəz Aİ ölkələri arasında məlumat paylaşımı və informasiya təhlükələri barədə xəbərdarlıqlar üçün əsas koordinasiya həbəsi rolunu oynayacaq”, — sənəddə qeyd olunur.
Qərar Aİ-də seçkilərə hazırlıq, miqrasiya böhranı və Ukrayna müharibəsinin informasiya fonu ilə eyni vaxta təsadüf edir.
Ekspertlər mərkəzin yaradılmasını Avropanın informasiya qarşıdurmasında yeni mərhələyə keçməsi kimi qiymətləndirirlər.
