BAKI, 8 noyabr. TELEQRAF
İran İslam Respublikasında hər üç gündə bir qadın öldürülür.
Teleqraf xəbər verir ki, bu barədə “Iran International” İranda qadınların təhlükəsizliyinin təmin edilməsi haqqında qanun layihəsinin qeyri-müəyyən vəziyyəti ilə bağlı bildirib.
“Bəlkə də bu qanun layihəsi qadınlara qarşı kök salmış inancları bir gecədə dəyişdirə bilməz, amma onun icrası hər üç gündə bir qadının öldürüldüyü bir ölkədə önləyici amil ola bilər.
Təkcə ötən il ərzində İranda azı 100 qadın və qız ailə üzvləri tərəfindən öldürülüb. Bununla belə, bu qətllərin əksəriyyəti “ailədaxili münaqişə” kimi qeydə alınıb və namus qətlləri ilə həyat yoldaşının öldürülməsi halları arasında dəqiq fərqləndirmə aparılmır”, - mənbə qeyd edib.
