ABŞ Prezidenti Donald Tramp bildirib ki, hakimiyyət vətəndaşlara adambaşına azı 2 min dollar məbləğində dividend ödəməyi planlaşdırır.
Senzor.az bildirir ki, ABŞ lideri bu barədə "Truth Social" şəbəkəsində yazıb.
O vurğulayıb ki, Vaşinqtonun digər ölkələrin məhsullarına tətbiq etdiyi tariflər ABŞ-a əhəmiyyətli maliyyə vəsaitləri cəlb etməyə imkan verib. "Biz trilyonlarla dollar əldə edirik və tezliklə 37 trilyon dollarlıq böyük borcumuzu ödəməyə başlayacağıq", – deyə Tramp qeyd edib.
"Adambaşına hamıya (yüksək gəlirli şəxslər istisna olmaqla) azı 2 min dollar məbləğində dividend ödəniləcək", – deyə o əlavə edib.
Tramp bu planla bağlı əlavə təfərrüatları açıqlamayıb.
