Dırnaqlara gel-lak etdirmək dəri xərçəngi yaradır?

Son illərin ən geniş yayılmış dəblərindən biri də qadınların dırnaqlarına tətbiq etdiyi dəyişikliklərdir.

Belə ki, qadınlar süni vasitələrdən istifadə edərək dırnaqlarının istədikləri ölçüdə uzadılmasına nail olurlar. Bu, qadınların əlləri, xüsusilə də dırnaqları ilə bağlı incə, gözəl görünüş yaratsa da, həmin prosesin mənfi təsirləri də mövcuddur. 

Azərbaycanda da son illər qadınlar bu üsuldan geniş istifadə edirlər. Hər ay, hətta ayda bir neçə dəfə dırnaqlarınının ölçüsünü, rəngini dəyişdirənlər var. Ancaq mütəxəssislər hesab edir ki, dırnaqlara tətbiq edilən bu üsul gözəlliklə yanaşı xərçəng yaranmasına səbəb olur ki, bu da ölümlə də nəticələ bilər.    

"Cebheinfo.az" xəbər verir ki, Türkiyə Dermatologiya Assosiasiyasının Direktorlar Şurasının üzvü, professor Başak Yalçın, qadınların həftəlik dırnaq müalicələrindən ultrabənövşəyi şüalara məruz qalmasının gələcəkdə dırnaq yatağında dəri xərçənginə səbəb ola biləcəyini bildirib:

"Bu dırnaqların əksəriyyəti kimyəvi maddələrdən hazırlanır. Davamlı tətbiq dırnağa çox zərərlidir. Maddə dırnaqdan çıxarılarkən də yoluxa bilər".

Bildirilir ki, daimi dırnaq boyası və gel dırnaqları UV lampaları ilə qurudulur. Bu lampalardan yayılan UVA və UVB şüalarına uzun müddət məruz qalma ilə dəridə DNT zədələnməsinə səbəb ola bilər və xərçəng riskini artırır. Dırnaq ətrafındakı dəriyə günəşdən qoruyucu krem çəkmək və ya tətbiq etməzdən əvvəl açıq burunlu əlcəklər geyinmək məsləhət görülür. 

Mütəxəssislərin fikrincə, istifadə olunan bəzi məhsullar (məsələn, akril boyalar) allergik reaksiyalara səbəb ola bilər. Dırnaq yatağına təkrarlanan travma (məsələn, həddindən artıq cilalama) hüceyrə zədələnməsinə səbəb ola bilər. Ümumiyyətlə, dəri xərçənginin ən çox yayılmış səbəbi uzun müddət günəşə məruz qalmadır. Eləcə də ailəsində dırnaq şişləri olan şəxslər daha yüksək risk altında ola bilərlər.

Zəif immunitet sistemi anormal hüceyrə proliferasiyasına yol aça bilər. Nəhayət, dırnaqların ətrafındakı kimyəvi maddələrə uzun müddət məruz qalma hüceyrə dəyişikliklərinə səbəb ola bilər.Ümumiyyətlə, dırnaqların tez-tez dəyişikliklər edilməsi özü xərçəngə səbəb olmur, lakin istifadə olunan UB lampaları və kimyəvi maddələr səbəbindən bu risk daşıyır. Bu riski azaltmaq üçün tədbirlər görmək vacibdir. Məhz bu baxımdan qadınlar dırnaqlarını həmin şüalardan qorumalıdırlar.  

• XÉ™rçəng
• Qadın
• Dekorasiya
• Gel-Lak
• Dığnaqlar