ain.az, Bizimyol portalından verilən məlumatlara əsaslanaraq xəbər verir.
İran İslam Respublikasının nüvə proqramı ətrafındakı fikir ayrılıqlarını həll etmək üçün sülhməramlı sazişə sadiq qalır.
Bizimyol.info xəbər verir ki, bu barədə İran xarici işlər nazirinin müavini Səid Xətibzadə Əbu-Dabi Strateji Debat siyasi konfransında çıxış edərkən bildirib.
"İranın bu təcavüzdən (İsrailin İrana qarşı əməliyyatı və Amerikanın Fordo, Nətənz və İsfahandakı nüvə obyektlərinə hücumu) sonra Nüvə Silahlarının Yayılmaması haqqında Müqavilədən çıxmamasının səbəbi məhz sülhməramlı nüvə sazişi əldə etmək niyyətində olmağımız idi", - deyə İran rəsmisi bildirib.
Onun sözlərinə görə, İran hakimiyyəti İslam Respublikası üçün "qürur məsələsi" olan mülki nüvə proqramını inkişaf etdirməyə davam edəcək. Eyni zamanda, Xətibzadə vurğulayıb ki, ölkə dünyaya nüvə silahı əldə etməyə çalışmadığını sübut etməyə hazırdır.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
