Avropa Komissiyası (AK) milli kəşfiyyat orqanları tərəfindən toplanan məlumatlardan daha səmərəli istifadə etmək üçün yeni bir kəşfiyyat orqanı yaradacaq.
Bu barədə "Financial Times" məlumat yayıb.
Adı açıqlanmayan AK rəsmisi nəşrə bildirib ki, komissiya təhlükəsizlik və kəşfiyyat imkanlarını gücləndirməyin yollarını araşdırır.
O əlavə edib ki, bu yanaşmanın bir hissəsi kimi xüsusi bir qurumun yaradılması nəzərdən keçirilir. Rəsmi şəxs qeyd edib ki, qurumun konsepsiyası hələ də müzakirə mərhələsindədir və qərarın verilməsi üçün konkret bir müddət müəyyən edilməyib.
