Gürcüstan-Azərbaycan sərhədində Türkiyə Silahlı Qüvvələrinə məxsus C-130 tipli hərbi yük təyyarəsinin qəzaya uğraması bütün Türkiyədə dərin hüznə səbəb olub. Qəza nəticəsində şəhid olan 20 hərbçi arasında Bursadan olan iki pilotun da olduğu müəyyən edilib.
Milli.Az xəbər verir ki, şəhid olanlardan birinin Bursa Yenişehirli Hava Pilotu Serdar Uslu, digərinin isə Bursa Harmancıklı Hava Pilotu Ramazan Yağız olduğu bildirilib.
Təyyarə Azərbaycandan havaya qalxdıqdan sonra Gürcüstan hava məkanına daxil olarkən radarla əlaqə kəsilib və təyyarə Signagi bölgəsində yerə düşüb.
Milli Müdafiə Nazirliyi və Gürcüstan rəsmiləri tərəfindən aparılan birgə axtarış-xilasetmə əməliyyatları nəticəsində təyyarənin qalıqları tapılıb. Qəzanın dəqiq səbəbi araşdırmalar tamamlandıqdan sonra açıqlanacaq.
Lalə Qüdrətova
Milli.Az
Məqaləyə dair fotomateriallar:
.jpg)
.jpg)
.jpg)
.jpg)
