Bizimyol saytından verilən məlumata əsasən, ain.az məlumatı açıqlayır.
Tamamilə qadınlar tərəfindən idarə olunan və qadın işçi heyəti ilə çalışan "Radio Nawaye Zan" Əfqanıstanın Herat əyalətində fəaliyyətə başlayıb.
Bizimyol.info xəbər verir ki, bu, ölkənin qərb hissəsində yeganə qadın media orqanıdır.
Stansiya qadınların hüquqlarına, nailiyyətlərinə və çətinliklərinə həsr olunmuş proqramlar hazırlayan on nəfərdən çox qadın jurnalisti işə götürüb. Stansiya direktoru Şəbnəm Kərimi layihənin məqsədinin Əfqanıstan qadınlarının səsini artırmaq və onlara çətinliklərini və uğurlarını müzakirə etmək imkanı vermək olduğunu izah edib.
"Nawaye Zan" xüsusi olaraq qadınlar üçün yaradılıb və bütün işçilərimiz qadınlardır. Məqsədimiz qadınların səsini eşitmək və eşitdirməkdir", - deyə Kərimi bildirib.
Jurnalistlər qeyd edirlər ki, stansiya Əfqanıstandakı qadınların vəziyyəti barədə dünyanı xəbərdar etməyə kömək edir: ""Radio Nawaye Zan" Herat qadınlarının səsidir. Proqramlarımız vasitəsilə onların hekayələrini və nailiyyətlərini hakimiyyət orqanları və dünya ilə bölüşə bilərik", - deyə qeyd edib.
Jurnalistlərin Təhlükəsizliyi Komitəsinin nümayəndəsi Şamil Əhməd Məşəl layihənin hökumət tərəfindən dəstəkləndiyini bildirib.
"İslam Əmirliyi bizi dəstəkləyib və ümid edirik ki, bu kimi daha çox media orqanı Heratda və digər əyalətlərdə işıq üzü görəcək", - deyə o bildirib.
"Nawaye Zan" əyalətdə fəaliyyət göstərən 14-cü radio stansiyası olub.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
