"Siemens" keçmiş tibb bölməsindəki payını azaltmağı planlaşdırır

Almaniyanın "Siemens AG" şirkəti "Siemens Healthineers"in keçmiş tibb bölməsindəki payının azaldılması planının təfərrüatlarını tezliklə razılaşdıra bilər.

Bakıvaxtı.az "Bloomberg"ə istinadən xəbər verir ki, bu barədə şirkət sözçüsü açıqlama verib.

Onun sözlərinə görə, "Siemens"in müşahidə şurası 35 milyard avroya qədər qiymətləndirilən "Healthineers"dəki payını necə azaltacağını müəyyən etmək üçün noyabrın 13-dək toplanacaq.

"Siemens" rəhbərliyi bu miqyaslı əməliyyatla bağlı mürəkkəbliyi nəzərə alaraq müxtəlif variantları nəzərdən keçirir. Seçimlərdən biri "Healthineers" səhmlərinin "Siemens" səhmdarları arasında paylanmasıdır.

Qeyd edək ki, 2018-ci ildə "Siemens"dən ayrılan "Healthineers" maqnit rezonans görüntüləmə (MRT) skanerləri də daxil olmaqla, tibbi avadanlıq istehsal edir. Şirkətin bazar kapitallaşması təxminən 50 milyard avrodur və "Siemens" onun səhmlərinin təxminən 71%-nə sahibdir. 

Gülşən Şərif

• Tibb
• MaliyyÉ™
• Plan
• Siemens
• Healthineers