Avropa Komissiyası 150 avrodan ucuz bağlamalar üçün gömrük azadolmasını planlaşdırılandan iki il əvvəl, yəni 2026-cı ilin əvvəlindən ləğv etməyi nəzərdə tutur.
News365.az xarici mətbuata istinadla xəbər verir ki, bu barədə ticarət və iqtisadi təhlükəsizlik üzrə komissar Maroş Şefçoviç bildirib.
Aİ-nin maliyyə nazirlərinə göndərilən məktubda bildirilir ki, siyasi iradə olarsa, islahat 2026-cı ilin ilk rübündə həyata keçirilə bilər.
Məlumata görə, qərarın məqsədi Çin platformalarından, xüsusilə Shein və Temudan gələn ucuz və təhlükəsizlik standartlarına cavab verməyən məhsulların axınının qarşısını almaqdır. 2024-cü ildə Aİ-yə 4 milyarddan çox belə bağlama daxil olub.
Qeyd edək ki, İsveçin maliyyə naziri Elisabet Svantesson təşəbbüsü “böyük qələbə” adlandırıb.
