Idman.biz portalından verilən məlumata görə, ain.az xəbər yayır.
San Marino Millətlər Liqasının D Divizionunda qalib gəlməklə DÇ-2026-ya çıxmaq şanslarını saxlayır.
İdman.Biz bildirir ki, hazırda FIFA reytinqində sondan ikinci yerdə (210-cu) və DÇ-2026 seçmə mərhələsinin H qrupunda sıfır xalla sonuncu yerdə olan komanda Rumıniyaya darmadağınla uduzacağı təqdirdə turnirdə iştirak edə bilər. Bu komandaların oyunu 18 noyabrda keçiriləcək.
Millətlər Liqasının C, B və A divizionlarındakı 13 qrup qalibindən 10-u turnirə vəsiqə qazanarsa, San Marino ABŞ, Kanada və Meksikada keçiriləcək DÇ-2026-nın pley-off mərhələsinə vəsiqə qazana bilər. Bunun üçün Şimali İrlandiya Slovakiyanı (14 noyabr), Rumıniya isə Bosniya və Herseqovinanı (15 noyabr) məğlub etməlidir. Bu, əvvəllər Millətlər Liqasının C Divizionunda qalib gələn bu komandaları seçmə qruplarında ikinci yerə qaldıracaq.
Əgər vəziyyət Roberto Çevolinin komandasının xeyrinə dəyişərsə, onlar Rumıniyaya qarşı oyunda böyükhesablı məğlubiyyətə uğramalı və “üçrənglilər”in dünya çempionatına vəsiqə qazanmasına yardım etməlidirlər.
İdman.Biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
