Marja.az portalından əldə olunan məlumata əsasən, ain.az xəbər verir.
ABŞ-da Starbucks-ın 65 mağazasındakı minlərlə həmkarlar ittifaqına üzv barista, kollektiv müqavilə danışıqlarındakı çıxılmaz vəziyyət səbəbilə ölkə üzrə tətilə çıxır.
Marja xəbər verir ki, Həmkarlar ittifaqına üzv Starbucks baristaları Cümə axşamından başlayaraq işə çıxmamaq aksiyasına hazırlaşırlar. İşçilər bunun indiyədək ən genişmiqyaslı tətil ola biləcəyini bildirirlər.
VTB-də yüksək depozit faizləri daha çox qazandırır
Starbucks-ın ABŞ üzrə təxminən 10 min mağazasından 550-sində işçiləri təmsil edən Workers United həmkarlar ittifaqı, Nyu-York, San Diego, Dallas, Filadelfiya və şirkətin mərkəzi yerləşdiyi Sietl də daxil olmaqla ən azı 40 şəhərdə tətil keçirməyi planlaşdırır. Həmkarlar ittifaqına görə, etirazlar müddətsiz davam edə və kollektiv müqavilə prosesində irəliləyiş olmasa, genişlənə bilər.
65 mağazada minlərlə baristanın qatıldığı bu aksiya, Starbucks-ın hər il böyük müştəri axını yaradan “Qırmızı Fincan Günü” adlı, Yeni il temalı yenidən istifadə oluna bilən fincanlar paylanılması kampaniyasına təsadüf edir.
İşçilər 2021-ci ilin sonlarından bəri mağazalarda həmkarlar ittifaqına üzvlüklə bağlı səsvermələr keçirirlər, lakin hələ də kollektiv əmək müqaviləsi imzalana bilməyib.
Nyu-Yorkda barista kimi çalışan və danışıqlarda həmkarlar ittifaqını təmsil edən Jasmin Leli ötən həftə verdiyi açıqlamada bildirib: “Nə lazımdırsa etməyə hazırıq. Starbucks-ın bu müqaviləni nəticələndirməməsi həm baristaları, həm də müştəriləri məyus edir”.
Starbucks: ən yaxşı iş şəraitini biz təmin edirik
Digər tərəfdən Starbucks ittihamları rədd edərək, Workers United-ı danışıqlar masasında olmamaqda günahlandırıb. Şirkət sözçüsü Caci Anderson çərşənbə günü verdiyi açıqlamada, Workers United-ın danışıqlara gəlmək əvəzinə aksiya elan etməsindən məyus olduqlarını deyib.
Anderson həmçinin bildirib ki, Starbucks mağazalarının demək olar ki, hamısı tətilə baxmayaraq müştərilərə xidmət göstərməyə davam edəcək.
Workers United rəhbərləri aprel ayında Starbucks-ın təqdim etdiyi son müqavilə təklifini qəbul etməmişdilər. Həmçinin təklifdə yalnız minimum illik 2% maaş artımının nəzərdə tutulmasının və işçilərin sosial hüquqlara çıxış əldə etmələri üçün yetərli iş saatlarının təmin edilməməsinin qeyri-kafi olduğunu bildirmişdilər.
Starbucks isə baristaların orta hesabla saatlıq 19 dollardan artıq qazandığını və sosial paketlə birlikdə ümumi saatlıq dəyərin 30 dolları keçdiyini bildirərək, “pərakəndə sektorunda ən yaxşı iş şəraitini təklif etdiklərini” müdafiə edir.
Hadisənin gedişatını izləmək üçün ain.az saytında ən son yeniliklərə baxın.
