GlobalInfo portalından əldə olunan məlumata əsasən, ain.az xəbər verir.
ABŞ administrasiyası xərçəng, piylənmə, diabet və ürək-damar xəstəliklərini vizadan imtina səbəbləri siyahısına əlavə edib.
Globalinfo.az xəbər verir ki, bu barədə “Vaşinqton Post” qəzeti sənədə istinadən məlumat yayı.
Bildirilib ki, Dövlət Departamenti noyabrın 6-da ABŞ-ın dünya üzrə diplomatik nümayəndəliklərinə müvafiq göstəriş göndərib.
“Dövlət katibi Marko Rubio tərəfindən imzalanan təlimatda deyilir ki, viza zabitləri müraciət edənlərin sağlamlıq vəziyyətini nəzərə almalıdırlar. Ürək-damar xəstəlikləri, tənəffüs xəstəlikləri, xərçəng, şəkərli diabet, metabolik xəstəliklər, nevroloji xəstəliklər və psixi sağlamlıq pozğunluqları da daxil olmaqla müəyyən tibbi vəziyyətlərin müalicəsi üçün yüz minlərlə dollar tələb oluna bilər”, – deyə bildirilib.
Həmçinin, piylənmənin yuxu apnesi, hipertoniya və klinik depressiyaya səbəb ola biləcəyi üçün mənfi faktor hesab edilməli olduğu qeyd olunub:
“Tibbi meyarlara əlavə olaraq, konsulluq əməkdaşları müraciət edənlərin yaşını, himayəsində olan şəxslərin sayını və hər hansı xüsusi ehtiyac və ya əlilliyi nəzərə almalıdırlar”.
Əliyar Xəlil
Globalinfo.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
