Ermənistanda "Beynəlxalq Sülh və Rifah naminə Tramp Marşrutu" (TRIPP) layihəsi üçün tikinti hüquqlarına dair 2 ssenari müzakirə olunur: 99 və 49 illik müddətlər.
Hurriyyet.az armenpress-ə istinadla xəbər verir ki, bunu Baş nazir Nikol Paşinyan “Sülh kəsişməsi: İnkişaf edən regional kommunikasiyalar və əməkdaşlıq” beynəlxalq konfransı zamanı deyib.
O qeyd edib: "Şirkət tikinti hüququ alacaq. Əsas odur ki, tikinti hüquqları müddəti başa çatdıqdan sonra torpaq üzərində yerləşən əmlak Ermənistan Respublikasının mülkiyyətinə keçir, lakin torpağın özü həmişə Ermənistan Respublikasının mülkiyyətində qalır. Bu şərtlər nələrdir? Oraya investisiyalar qoyulacaq və investor müəyyən gəlir dərəcəsi ilə öz sərmayəsinin qaytarılmasına dair müəyyən təminatlara malik olmalıdır.
Desək ki, bu torpağı 5 il müddətinə veririk, heç kim investisiya qoymayacaq, çünki sərmayəni 5 il ərzində geri qaytarmaq real deyil”.
Baş nazir əlavə edib ki, bu məsələ ilə bağlı müzakirələr sırf maliyyə-iqtisadi xarakter daşıyır və heç bir siyasi komponent yoxdur.
