"Qarabağ" klubu "Çelsi" ilə oyunda baş verənlərlə bağlı bəyanat yayıb.
Offsideplus.az xəbər verir ki, bəyanatda bunlar qeyd olunub:
“Qarabağ” klubu həm meydanda, həm də meydandan kənarda istənilən irqçiliyi, ayrı-seçkiliyi və ya nifrət dolu davranışı qətiyyətlə pisləyir.
“Bu qəbuledilməz hərəkət bizi çox narahat etdi. Bu cür davranış “Qarabağ” FK-nın, azarkeşlərimizin və ya Azərbaycan xalqının dəyərlərini təmsil etmir. Məsul şəxs müəyyən edilib və məsələ dərhal araşdırılması üçün yerli hüquq-mühafizə orqanlarına göndərilib.
“Qarabağ” FK hər hansı bir irqçiliyə və ayrı-seçkiliyə qarşı sıfır tolerantlıq siyasətini bir daha təkrarlayır. Futbol birlik, hörmət və bərabərlik oyunudur, həmişə müdafiə edəcəyimiz prinsipləri özündə birləşdirir”.
“Çelsi” klubundan, təsirlənən oyunçudan və ədalətli oyun və insan ləyaqəti uğrunda mübarizə aparan hər kəsdən səmimi üzr istəyirik. “Qarabağ” klubu irqçi davranışın hər hansı bir formasına qarşı sərt tədbirlər görülməsini təmin etmək üçün polis və UEFA ilə sıx əməkdaşlığa davam edəcək”.
Qeyd edək ki, "Qarabağ" - "Çelsi" matçında tribunada bir azarkeşin rəqib oyunçuya qarşı irqçi jestləri olmuşdu. Ağdam təmsilçisi də buna görə bu bəyanat paylaşıb.
