BAKI, 14 noyabr. TELEQRAF
Litva gələn həftənin əvvəlində sərhəd xidməti rəhbərlərinin müavinləri səviyyəsində görüş keçirilməsi barədə Belarusa təklif göndərib.
Teleqraf xəbər verir ki, bu barədə Belarus Xarici İşlər Nazirliyinin (XİN) sözçüsü Ruslan Varankov "RIA Novosti"yə açıqlamasında bildirib.
XİN rəsmisi qeyd edib ki, Minsk təşəbbüsü müsbət qarşılayır, lakin bu addım bağlanmış sərhəd-keçid məntəqələri problemini həll etmir:
"Təklif iki ölkənin sərhəd qurumları arasında məsləhətləşmələrin aparılmasını nəzərdə tutur. Görüşün dəqiq vaxtı və yeri hələ müəyyənləşməyib. Bir daha vurğulayırıq ki, məsələ kompleks xarakter daşıdığı üçün onun həlli yalnız siyasi-diplomatik səviyyədə mümkündür".
