Azərbaycanın formatımıza tamhüquqlu üzv kimi qoşulmaqla bağlı tarixi qərarı verildi.
APA-nın Daşkəndə ezam olunmuş müxbiri xəbər verir ki, bunu Daşkənddə Mərkəzi Asiya Dövlət Başçılarının 7-ci Məşvərət Görüşündə Qazaxıstan Prezidenti Kasım-Jomart Tokayev Azərbaycan Respublikasının Mərkəzi Asiya üzrə keçirilən Məşvərət Görüşlərinə tamhüquqlu üzv kimi qoşulmasından danışarkən bildirib.
Kasım-Jomart Tokayev bu münasibətlə Prezident İlham Əliyevi təbrik edib: “Əminəm ki, bu yeni vəzifədə Azərbaycan regional əməkdaşlığın gücləndirilməsinə əhəmiyyətli töhfə verəcək”.
