Azpost saytından verilən məlumata görə, ain.az xəbər verir.
Vulkanın tüstü və kül sütunu 800 metrə yüksəlib, əhaliyə xəbərdarlıq edilib
İndoneziyanın Şərqi Cava əyalətində Semeru vulkanında yenidən püskürmə qeydə alınıb.
AzPost Voice of Indonesia portalına istinadla xəbər verir ki, vulkandan qalxan kül və tüstü sütunu təxminən 800 metr hündürlüyə çatıb.
Rəsmi məlumatda bildirilir ki, püskürmə yerli vaxtla saat 06:11-də başlanıb. Nəzarət məntəqəsinin açıqlamasına görə, dəniz səviyyəsindən 4476 metr yüksəklikdə yerləşən vulkanın zirvəsi üzərində qatı kül təbəqəsi əmələ gəlib və kül axını bölgənin müxtəlif hissələrində müşahidə olunub.
Mütəxəssislər Semeru vulkanına ikinci təhlükə səviyyəsi verildiyini bildirirlər. Bunun kül kütləsinin ani genişlənməsi və alovlu daş parçalarının qısa müddətdə yaxın ərazilərə yayılması ehtimalı ilə əlaqəli olduğu qeyd olunur.
Səlahiyyətli qurumlar əhaliyə xəbərdarlıq edərək, vulkanın krateri ətrafında təhlükə yarandığını və üç kilometrdən yaxın məsafəyə keçməyin qadağan edildiyini açıqlayıblar. Hazırda bölgədə müşahidə işləri gücləndirilib və mümkün əlavə püskürmələrə qarşı operativ qruplar yüksək hazırlıq vəziyyətində saxlanılır.
AzPost.az
Paylaş
Sonrakı hadisələr barədə daha çox məlumat almaq üçün ain.az saytını izləyin.
