Səkkiz nəfər Brüssel Baş Prokuroruna qarşı mümkün sui-qəsd planı ilə əlaqədar həbs olunub. Ajans.az xəbər verir ki, bu barədə Belçika Dövlət Prokurorluğu bildirib. Məlumata görə, həbs edilən 8 nəfər narkotik ticarəti ilə məşğul olan cinayətkarlardandır. Həbslər Brüsseldə 18 yerdə aparılan axtarışlardan sonra baş tutub. Qeyd edək ki, Brüssel polisi 2025-ci ilin iyul ayında Belçika dövlət prokuroruna Brüssel baş prokuroruna qarşı sui-qəsd planı barədə məlumat verib. Belçika prokuroru əsas şübhəlilərin mütəşəkkil narkotik ticarəti ilə əlaqəli cinayət tarixçəsinin olduğunu və Albaniya cinayətkar mafiyası ilə əlaqəli ola biləcəyini bildirib. Son illərdə Brüsseldə narkotik dəstələri ilə əlaqəli zorakılıq hallarının artdığını müşahidə edib. Rəsmilər bildiriblər ki, Avropanın ən təhlükəli 100-dən çox cinayətkar təşkilatı Belçikada fəaliyyət göstərir. Brüssel hakimiyyəti fevral ayı ərzində narkotik satıcıları ilə əlaqəli atışmadan sonra iki şübhəlini axtararkən bir neçə metro stansiyasını bağlamalı olub.
