İndoneziya sahillərində 5,8 maqnitudalı zəlzələ baş verib.
AFN.az xarici mediaya istinadən xəbər verir ki, bu barədə Avropa-Aralıq dənizi Seysmologiya Mərkəzi məlumat yayıb.
Məlumata görə, zəlzələnin episentri təxminən 355 min nəfərin yaşadığı Ambon şəhərinin 21 kilometr şərqində yerləşib. Ocağın dərinliyi 128 kilometr olub.
Hazırda dağıntılar və xəsarət alanlarla bağlı məlumat yoxdur. Sunami təhlükəsi elan edilməyib.
