Heç vaxt təsdiqlənməyən və həyata keçməyən “Kamp Nou” layihəsi bəlli olub.
Offsideplus.az xəbər verir ki, layihə 2007-ci ildə, Laportanın prezidentliyi dövründə, məşhur britaniyalı memar Norman Foster tərəfindən təqdim edilmişdi.
▪️ "Foster", "Uembli", "Lusail" və yeni "Old Trafford" kimi nəhəng stadionların dizayneridir.
▪️ Yeni layihə “Kamp Nou”ya müasir və zərif görünüş verməyi, eyni zamanda mövcud strukturu və stadionun asimmetrik üçüncü tribunası qorumağı hədəfləyirdi.
▪️ Layihədə tribunaların üzərini tam örtən, günəş işığının içəri düşməsinə imkan verən elastik kabel şəbəkəli dam sistemi də nəzərdə tutulmuşdu.
▪️ Beynəlxalq memarlıq müsabiqəsinin qalibi olsa da, layihə 2010-cu ildə yeni rəhbərliyin gəlməsi ilə rədd edildi.
Rədd edilmə səbəbləri: rəhbərlik dəyişikliyi, maliyyə qeyri-müəyyənliyi, yüksək xərclər və şəhərsalma ilə bağlı çətinliklər.
