Musavat.com xəbər verir ki, Rusiya Prezidenti Vladimir Putin Vaşinqtonun Ukrayna üzrə irəli sürdüyü “sülh planı” barədə yeni açıqlama verib.
Putin bildirib ki, ABŞ administrasiyasının təklif etdiyi plan indiyədək yalnız ümumi konturlar ilə səsləndirilib və sənədin detalları ictimai müzakirəyə çıxarılmayıb.
Prezident bu fikirləri Təhlükəsizlik Şurasının daimi üzvləri ilə keçirilən toplantıda səsləndirib. Onun sözlərinə görə, Tramp administrasiyasının planı hələ avqust ayında, Alyaskanın Ankoric şəhərində baş tutan görüşdən öncə gündəmə gətirilib.
Putin bildirib ki, həmin danışıqlarda Rusiya tərəfi ABŞ-ın irəli sürdüyü təkliflərə prinsipial olaraq müsbət münasibət göstərib:
“Görüş zamanı, bütün çətinliklərə baxmayaraq, bu təkliflərin əsas prinsiplərini qəbul etməyə hazır olduğumuzu təsdiqlədik”.
Rusiya lideri əlavə edib ki, Moskva Ankoric görüşü zamanı da prosesə daha çevik yanaşmağa hazır olduğunu nümayiş etdirib və diplomatik səylərə açıq qalmaqda davam edir.
Musavat.com
