BAKI, 22 noyabr. TELEQRAF
İspaniyanın “Real Madrid” klubu ilə futbolçu Vinisus Junior müqaviləni uzatmaq barədə razılıq əldə ediblər.
Teleqraf xəbər verir ki, bu barədə “Diario Sport" məlumat yayıb.
Mənbənin məlumatına görə, son zamanlar braziliyalı hücumçunun baş məşqçi Xabi Alonso ilə münaqişəsi barədə yayılan şayiələr yeni müqavilənin imzalanmasına mane olmayacaq.
Qeyd edək ki, “Real Madrid” Vinisus Junioru2018-ci ildə Braziliyanın "Flamenqo" klubundan 45 milyon avroya transfer edib. 25 yaşlı oyunçu “kral klubu”nda 338 matç keçirib, 111 qol vurub və 87 məhsuldar ötürmə edib. Onun hazırkı müqaviləsi 2027-ci ilin yayına qədər nəzərdə tutulub.
