Bu gün "Silk Way Star" beynəlxalq musiqi layihəsinin finalı baş tutub.
"Unikal" xəbər verir ki, finalda Azərbaycanı münsif kürsüsündə təmsil edən müğənni Samirə Əfəndi səsvermə zamanı bütün iştirakçılara, həmçinin, Ermənistan təmsilçisi Saro Gevorqyana 12 xal verib.
"İstəyirəm bütün dünyada sülh olsun. Sənin haqqına heç vaxt girə bilmərəm. Ona görə də 12 xal Azərbaycandan sənə" deyə, Samirə bildirib.
O, daha sonra digər iştirakçılarla olduğu kimi Saro ilə də qucaqlaşıb.
Qeyd edək ki, müsabiqə ərzində Samirə daha əvvəl də Saro Gevorqyana ən yüksək – 10 xalı verib. Elə həmin gün Ermənistandan olan münsif Vrej Kirokosyan da öz növbəsində Səbinənin çıxışını 10 xalla qiymətləndirib.
