Rusiya yığmasının və Moskva MOİK-inin (ÇSKA) sabiq futbolçusu Yevgeni Aldonin ağır xəstəliklə mübarizə aparmaq məcburiyyətində qalıb.
Fanat.Az xəbər verir ki, məlumatı Rusiya Premyer Liqasının (RPL) mətbuat xidməti yayıb.
Qurum ölkənin futbol ictimaiyyətini yardım aksiyasına qoşulmağa, Yevgeniyə və onun ailəsinə maddi dəstək göstərməyə çağırılıb.
RPL xəstəliyin dəqiq diaqnozunu açıqlamasa da, Rusiya mətbuatı 45 yaşlı keçmiş futbolçuda mədəaltı vəzi xərçəngi aşkarlandığını bəyan edib.
Xatırladaq ki, Aldonin MOİK-lə 2 dəfə ölkə çempionu olub. 5 dəfə Rusiya Kubokunu qazanan futbol veteranı UEFA Kubokunu da başı üzərinə qaldırmağa imkan tapıb. Rusiya millisində 29 oyun eks yarımmüdafiəçi 2018-ci ildə karyerasını bitirib.
Nihat
