BAKI, 23 noyabr. TELEQRAF
“Maklaren” komandası Formula 1 üzrə Las-Veqas Qran-Prisində qazandığı bütün xallarını itirib.
Teleqraf xəbər verir ki, səbəb həm Lando Norris, həm də Oskar Piastrinin bolidlərinin sürüşmə lövhəsinin həddən artıq aşınması olub.
Nəticədə Norris 18 xal, Piastri isə 12 xal itirib. Bu cəzayə görə turnir cədvəlində mühim dəyişiklik olub.
Belə ki, “Red Bull”un pilotu Maks Ferstappen artıq Norrisdən 24 xal geridə, Piastri ilə isə bərabər xala malikdir.
Qeyd edək ki, növbəti yarış Qətərdə baş tutacaq.
