ABŞ-da körpə botulizmi (botulinum toksininin səbəb olduğu ağır xəstəlik) səbəbilə baş verən yoluxma dalğası ilə əlaqədardır 31 körpə xəstəxanaya yerləşdirilib.
Ölkə.az iqtisadiyyat.az-a istinadən xəbər verir ki, Xəstəliklərə Nəzarət və Qarşısının Alınması Mərkəzi (CDC) və Qida və Dərman Administrasiyası (FDA) yenilənmiş məsləhətlərində qeyd edib ki, “şübhəli və ya təsdiqlənmiş” körpə botulizmi halları daha iki ştatda aşkar olunub və beləliklə ümumi say 15 ştata çatıb.
CDC-yə görə, yoluxmalar hazırda aşağıdakı ştatlarda qeydə alınır: Arizona, Kaliforniya, Aydaho, İllinoys, Kentukki, Meyn, Miçiqan, Minnesota, Şimali Karolina, Nyu-Cersi, Oreqon, Pensilvaniya, Rod-Aylend, Texas və Vaşinqton.
