EN

Bakıda Azərbaycan və Belarus hərbi mütəxəssisləri görüşüblər

Bakı, 25 noyabr, AZƏRTAC

Hərbi əməkdaşlıq çərçivəsində noyabrın 25-də Bakı şəhərində Azərbaycan və Belarus Müdafiə nazirliklərinin hərbi mütəxəssisləri arasında görüş keçirilib.

Azərbaycan Müdafiə Nazirliyindən AZƏRTAC-a verilən məlumata görə, nazirliyin Beynəlxalq Hərbi Əməkdaşlıq İdarəsində təşkil edilən görüşdə hərbi sahədə təcrübə mübadiləsi, o cümlədən birgə təlimlərin təşkili, qarşılıqlı fəaliyyətin təkmilləşdirilməsi və əməkdaşlıq planının genişləndirilməsi müzakirə edilib.

Tərəflər konstruktiv və işgüzar şəraitdə keçən görüş zamanı maraq doğuran bir sıra digər məsələləri ətrafında da fikir mübadiləsi aparıblar.

Chosen
83
19
azertag.az

10Sources