Portuqaliya millisinin futbolçusu Kristiano Ronaldo Millətlər Liqasındakı qələbə münasibətilə komanda yoldaşlarına saat hədiyyə edib.
KONKRET.az teleqraf-a istinadla xəbər verir ki, 40 yaşlı ulduz oyunçu saatları dostu, məşhur zərgər Ceykob Arabodan xüsusi olaraq sifariş verib.
Milli komandanın üzvləri hədiyyələri DÇ-2026-nın seçmə mərhələsində Ermənistanla keçirilən oyundan (9:1) əvvəl alıblar. Bir ədəd saat isə avtoqəzada həlak olan Diogu Jotanın ailəsinə təqdim edilib.
Qeyd edək ki, 2025-ci ilin iyununda Portuqaliya UEFA Millətlər Liqasını iki dəfə qazanmağı bacaran ilk komanda olub.
