Avropa ölkələrində müalicəyə davamlı olan “Trichophyton indotineae” göbələklərinin infeksiyaları sürətlə artır.
Busaat.az xəbər verir ki, mütəxəssislər artıq onu “supergöbələk” adlandırırlar.
Mançester Universitetinin infeksion xəstəliklər üzrə mütəxəssisi Devid Denninqin sözlərinə görə, infeksiya ən çox qasıq, bud və omba nahiyəsində görünən qırmızı, qaşınan səpgilərə səbəb olur.
Nəşr qeyd edir ki, Böyük Britaniyada son üç ildə yoluxma hallarının sayı təxminən 500% artıb. Yoluxma yoluxmuş şəxslə təmasda, həmçinin çirklənmiş əşyalar və səthlər vasitəsilə baş verir. Yaxın fiziki təmasla da ötürülməsi mümkündür.
Xəstəlik həyat üçün təhlükə yaratmır, lakin göbələklərin davamlılığı səbəbindən müalicə həftələr və hətta aylarla uzana bilər.
Vəziyyət genişmiqyaslı qlobal problemə çevrilə bilər. Son on ildə infeksiya Almaniya və ABŞ da daxil olmaqla 20-dən çox ölkədə aşkarlanıb.
Yeganə
