İnsanlara hava proqnozu yeniləmələrini izləmək tövsiyə olunur.
QHT.az xəbər verir ki, Ukraynanın Fövqəladə Hallar üzrə Dövlət Xidməti Karpatlarda təhlükəli hava şəraiti qeydə alındığını bildirərək turistləri ehtiyatlı olmağa çağırıb. Xidmət dağlara səfər edənlərin hava proqnozunu izləməli olduğunu və xilasetmə xidmətləri ilə əlaqə yaratmağa imkan verən Mountain Rescue proqramını yükləmələrini tövsiyə edib. Dağ xilasedicilərinin məlumatına görə, xüsusilə Pop İvan Çornoqorski zirvəsi ətrafında güclü külək və tufan gözlənilir — küləyin sürəti 23–25 m/s, hava isə -2°C-dir. Pop İvan 2028,5 metr hündürlüyü ilə Ukrayna Karpatlarının ən yüksək zirvələrindən biri hesab olunur və zirvəsində “Ağ Fil” kimi tanınan köhnə rəsədxananın qalığı yerləşir.
Turistlərə təhlükəsizliyə maksimum diqqət yetirmələri tövsiyə olunur.
R.İmanov
