UFC ulduzları Konor MakQreqor və Həbib Nurmaqomedov arasında gərginlik daha da alovlanıb.

Offsideplus.az xəbər verir ki, Həbibin cavabından sonra MakQreqor bu dəfə daha sərt və ağır ifadələrlə onu hədəfə alıb.

O, sosial mediada Khabibə belə səslənib:

“Azarkeşlərinin bu qədər puluna başa gələn bu ‘hədiyyələri’ satmaq üçün atanın ölümünü istifadə etdiyinə görə dərhal üzr istə.”

O, Həbibin rəqəmsal “hədiyyə” adlandırdığı məhsulları satmasının mübahisəli olduğunu vurğulayıb:

“Bir şeyi satmaq onun hədiyyə olmadığı anlamına gəlir, aşağı IQ-lu mağara adamı! Bu, ‘hədiyyə’ sözünün tam əksidir.”

İrlandiyalı döyüşçü daha sonra təhqiramiz ifadələrə də yer verib:

“Duh duh duh, axmaq… hahaha. Ölü atanı istifadə edərək insanları aldadırsan. Yazıq.”

Bu sözlər MMA dünyasında geniş müzakirə olunur və tərəflər arasında qarşıdurmanın yenidən qızışdığı bildirilir. Həbibin MakQreqorun bu ağır ittihamlarına cavab verib-verməyəcəyi hələlik məlum deyil.