Honkonqun şimalındakı Tay Po rayonundakı səkkizbloklu binadan ibarət “Van Fuk Kort” yaşayış kompleksində baş verən yanğında 36 nəfər ölüb.
AZƏRTAC “South China Morning Post” saytına istinadən xəbər verir ki, yanğın 1900 mənzilli binanın üzlüyünün yenilənməsi zamanı baş verib. Bambuk materialdan hazırlanan ayaqaltılardan başlayan yanğın qısa müddətdə genişlənib. Yanğında 29 nəfər xəsarət alıb, 279 nəfərin taleyi isə məlum deyil.
