Gununsesi portalından verilən məlumata görə, ain.az xəbər yayır.
Ermənistan parlamentinin spikeri Alen Simonyan bildirib ki, Ermənistanın KTMT-dən de-fakto çıxması anti-Rusiya mövqeyi demək deyil.
O əlavə edib ki, qalan məsələlər ölkənin siyasi maraqlarından asılıdır.
Gununsesi.info-ya danışan siyasi şərhçi Məhəmməd Əsədullazadə mövzunu belə şərh edib:
“Ümumiyyətlə, Ermənistan KTMT hərbi təlimlərində və digər toplantılarında iştirak etmir.
De-fakto Ermənistan KTMT-dən çıxıb. Parlament seçkisində N. Paşinyan qələbə əldə edərsə, gələn il KTMT-dən tam çıxmasi istisna deyil. Rusiyanın Ermənistan hakimiyyətinə təzyiqləri isə, müsbət səmərə verməyəcək. Ümumiyyətlə, KTMT regional müstəvidə aparıcı bir təşkilat deyil.
Üzv ölkələr protokol xatirinə yığışır və qərarlar qəbul edir. Sadəcə belə bir toplantılar Rusiyaya lazımdır ki, özünü beynəlxalq oyunçu kimi görünsün. Artıq Rusiyanın KTMT təşkilati özünü doğrultmadı. Çünki, Rusiya üzv ölkələri ilə qarşılıqlı şəkildə əməkdaşlıq etmir”.
Məhəmməd Əsədullazadə qeyd edib ki, KTMT Bişkekdə keçirilən toplantısına Rusiya prezidenti özü iştirak etməsinə baxmayaraq, heç də bu təşkilatın geosiyasi nizamda mövqeyini gücləndirməyəcək.
“Rusiyanın müəllifi olduğu təşkilatlar Qərblə siyasi və hərbi qarşıdurma fonunda getdikcə öz geosiyasi əhəmiyyətini itirəcək”,-deyə o əlavə edib.
Şəbnəm
Gununsesi.info
Sonrakı hadisələr barədə daha çox məlumat almaq üçün ain.az saytını izləyin.
