QHT.az xəbər verir ki, “İslahatçı Qadınlar və İnnovasiyalar” İctimai Birliyinin sədri Vüsalə Hüseynli Türk Dövlətləri Təşkilatına üzv ölkələrin QHT-lərinin Həmrəylik Forumunun Bakıda yüksək səviyyədə keçirildiyini bildirib.
Onun sözlərinə görə, tədbir həm möhtəşəm təşkilati formatı, həm də mənəvi dəyəri ilə iştirakçılara ciddi təsir göstərib:
"İki gün öncə Türk Dövlətləri Təşkilatına üzv olan ölkələrin QHT-lərinin Həmrəylik Forumu" na rəsmi Bakı ev sahibliyin etdi. Tədbirin möhtəşəmliyi ilə yanaşı mənəvi zənginliyi də ruhumuzu qidalandırdı.Çünki qlobal miqyasda qeyri-hökumət təşkilatlarının rolu beynəlxalq münasibətlərdə və regional əməkdaşlıq mexanizmlərində mühüm strateji əhəmiyyət kəsb edir. Türk Dövlətləri Təşkilatına üzv ölkələr arasında iqtisadi, siyasi və humanitar inteqrasiya prosesləri gücləndikcə, bu inteqrasiyanın ictimai dayaqlarının möhkəmləndirilməsi zərurəti daha da artır. Bu baxımdan “Türk Dövlətləri QHT-lərin Həmrəylik Forumu” cəmiyyətlərarası dialoqun, sosial diplomatiyanın və qeyri-rəsmi əməkdaşlığın institusional platforması kimi , xalq diplomatiyasının inkişafı baxımından xüsusi əhəmiyyət daşıyır."
QHT sədri həmçinin qeyd edib ki, Forumun təşkili Türk dünyasının qarşılıqlı etimad münasibətlərinin və humanitar təmaslarının dərinləşdirilməsi, QHT-lər arasında şəbəkələşmənin gücləndirilməsi və regional problemlərə birgə həll mexanizmlərinin hazırlanması baxımından strateji addımdır:
"Tanrı Türkü Qorusun!"
