ain.az, Marja.az portalına istinadən məlumat verir.
(®) ABB Invest-in baş tərəfdaşlığı ilə regionun ən nüfuzlu iqtisadi platformalarından biri olan 20-ci Beynəlxalq “Caspian Investment Forum 2025” yüksək təşkilatçılıq səviyyəsi ilə baş tutub. “İnvestisiya dalğalarında yenilik rüzgarı” şüarı altında keçirilən builki forum Azərbaycan kapital bazarının inkişafına dair iki əsas istiqaməti gündəmə gətirib.
Forum çərçivəsində ekspertlər qiymətli kağızlar vasitəsilə kapital cəlb etmənin digər maliyyələşmə üsullarına nisbətən üstünlüklərini, həmçinin yerləşdirilmiş qiymətli kağızların təkrar bazarda tədavülü ilə bağlı aktual çağırışları müzakirə ediblər. Potensial emitentləri maraqlandıran mövzulara dair ekspert rəyləri də təqdim olunub.
Tədbirdə kapital bazarlarının qlobal inkişaf meylləri, dəyişən iqtisadi mühitin emitent və investorlar üçün yaratdığı yeni imkanlar, eləcə də rəqəmsal transformasiyanın bazara təsiri geniş şəkildə müzakirə edilib. Yerli və xarici ekspertlərlə zənginləşdirilmiş sessiyalar iştirakçılara aktual trendlər, yeni perspektivlər və praktik yanaşmalar təqdim edib.
ABB Invest-in baş tərəfdaş kimi iştirakı şirkətin ölkədə investisiya mədəniyyətinin inkişafına, kapital bazarlarının modernləşdirilməsi və beynəlxalq standartlara inteqrasiyasına verdiyi dəstəyi bir daha nümayiş etdirib. Bu tərəfdaşlıq ABB Invest-in regionun aparıcı investisiya institutlarından biri kimi mövqeyini daha da möhkəmləndirib.
Forumda ABŞ, Gürcüstan və Qazaxıstandan olan nüfuzlu maliyyə təşkilatlarının iqtisadçıları da iştirak edib Beynəlxalq qonaqlar Azərbaycan iqtisadiyyatının regionda artan strateji rolunu, ölkənin dayanıqlı və açıq investisiya mühitini, eləcə də regional əməkdaşlıq imkanlarının yeni mərhələyə qədəm qoymasını yüksək qiymətləndiribər.
20-ci yubiley “Caspian Investment Forum 2025” həm iştirakçı sayına, həm də müzakirə olunan mövzuların dərinliyi və aktuallığına görə regionun ən əhəmiyyətli iqtisadi tədbirlərindən biri kimi yadda qalıb. Forum ABB Invest-in dəstəyi ilə gələcək illərdə daha geniş miqyaslı təşəbbüslər üçün mühüm əsas yaradıb.
Daha ətraflı məlumat və yeniliklər üçün ain.az saytını izləyin.
