Kəhanətləri ilə məşhur olan fransız öncəgörücü, əczaçı və kimyagər Nostradamusun 16-cı əsrdə qeydə aldığı deyilən kəhanətləri ilə yenidən gündəmə gəlib.
Ölkə.Az xəbər verir ki, 2026-cı ilə aid olduğu deyilən proqnozlar epidemiya və müharibə ehtimallarından siyasi qarışqılıqlara, gözlənilməz təbiət hadisələrindən yeni hakimiyyət mübarizələrinə qədər bəşəriyyəti sarsıda biləcək geniş ssenarilər ortaya qoyur.
Nostradamusun proqnozları konkret illərə deyil, "əsrlər" adlanan bölmələr daxilində 100 dördlüyə əsaslanır. Bir il haqqında nəticə çıxararkən, həmin ilin "26-cı dördlüyü" xüsusi olaraq araşdırılır. Eyni metod 2026-cı ilə də tətbiq olunur və epidemiyalardan və müharibələrdən tutmuş siyasi qarışıqlıqlara və fövqəladə təbii hadisələrə qədər təəccüblü bir mənzərə ortaya çıxır.
"Böyük bir insan gündüz vaxtı ildırım vurması ilə enəcək”
Birinci əsrin 26-cı dördlüyündə "böyük bir insan gündüz vaxtı ildırım vurması ilə enəcək” ifadəsi var. Şərhçilər bu sətirləri sui-qəsdin simvolik təsvirləri kimi şərh edirlər. Bu arada, "ildırım" metaforasının bu gün istifadə edilən lazer və mikrodalğalı hücum texnologiyalarına aid ola biləcəyi ehtimalı ilə bağlı müzakirələr də aparılır.
Eyni dördlükdə "Toskana epidemiyası" vurğusu keçmiş COVID-19 pandemiyasını xatırlatsa da, bəzi ekspertlər bunun iqlim dəyişikliyi səbəbindən bölgədə mövsümi xəstəliklərin kəskinləşməsi ehtimalına istinad ola biləcəyini irəli sürürlər.
Tiçino üçün müharibə xəbərdarlığı
İkinci əsrdən olan başqa bir dördlük İsveçrənin sakit Tiçino bölgəsinin müharibə ilə sarsılacağını göstərir. Tarixən neytrallığı ilə tanınan bölgə üçün belə bir ssenarini təsəvvür etmək çətin görünsə də, Avropadakı siyasi gərginliklər və Rusiya-Ukrayna müharibəsinin təsirləri bu şərhləri yenidən ön plana çıxarır.
“Naməlum arı sürüsü”
NTV-nin məlumatına görə, Dördüncü Əsrin 26-cı dördlüyü mənşəyi məlum olmayan böyük bir arı sürüsünün meydana çıxmasını göstərir. Bu ifadə arı populyasiyasının ekoloji tarazlıqda yenidən güc qazanması kimi müsbət formada şərh edilə bilər, eyni zamanda işğalçı eşşək arılarının qayıtması barədə xəbərdarlıq kimi də şərh olunur.
Krallar və liderlər üçün "bütlər"
Üçüncü əsrə aid başqa bir dördlük "padşahların və şahzadələrin bütlərinin hazırlanmasından" bəhs edir. Bu ifadə xüsusilə son illərdə ABŞ-də Prezident Donald Tramp üçün hazırlanmış qızılı rəngli heykəllərlə əlaqələndirilir. 2026-cı il üçün hazırlanmış və Trampın iki üzünü əks etdirən xatirə sikkəsi layihəsi kəhanətlə şərhlərini daha da artırıb.
Slavyan xalqlarının yüksəlişi
Beşinci əsrin 26-cı bəndində "müharibədə bəxtlərini tapan Slavyan xalqlarının yüksəlişindən" bəhs olunur. Bu sətir son illərdə davam edən Rusiya-Ukrayna müharibəsinin yeni təfsirlərinə səbəb olur.
Dənizlərdə böyük münaqişə
Yeddinci əsrə aid bir peyğəmbərlikdə "yeddi gəmi arasında ölümcül bir döyüşün başlayacağı" proqnozlaşdırılır. Mütəxəssislər ən riskli bölgənin Çinin üzərində haqq iddia etdiyi Cənubi Çin dənizi olduğunu bildirirlər. ABŞ-nin Tayvana dəstəyi, Pekinin bölgədəki ada inşaatl və balıqçılıqla əlaqəli böhranlar bu proqnozu daha da diqqətçəkən edir.
Madridli lider "oxla yarası” alacaq
Eyni zamanda Madridli bir liderin "oxla yaralanacağını" göstərilir. Müasir şərhlərdə bu "ox" siyasi hücum, media təzyiqi və ya qalmaqal üçün metafora kimi şərh olunur. Son zamanlar İspaniyada həm hökumət, həm də kral ailəsi korrupsiya və imizc zədələnməsinə görə dəfələrlə gündəmə gəlib.
2026-nın numeroloji izahı
2026-cı ilidəki rəqəmləri topladıqda 10 alınır. bu rəqəmə əsaslanan şərhlər də diqqət çəkir. Bəzi bəndlərdə "ölülərdən yüksələn krallar” metaforası xüsusilə Vyanadakı Habsburq kriptosu kimi tarixi yerlərlə əlaqələndirilir.
“Bir şəhərdən pis qoxu yayılacaq”
Nostradamusun başqa bir öngörüsündə deyilir ki, İsveçrənin Lozanna şəhərindən naməlum bir qoxu gələcək və "uzaq ölkələrdən gələnlər şəhərdən qovulacaq". Bu sətirlər isə Avropada artan immiqrasiya əleyhinə əhval-ruhiyyə kimi şərh edilir.
"Bəşəriyyatın böyük düşməni"nin yüksəlməsi
Onuncu əsrin 10-cu rübündə "bəşəriyyətin böyük düşməni, əcdadlarından daha qəddar" kimi təsvir edilən bir liderin ortaya çıxması təsvir olunur. Bəzi şərhçilər bu xarakteri Şimali Koreya kimi avtoritar rejimlərlə əlaqələndirsələr də, digərləri bunun yeni bir diktatura dalğası və ya mövcud rejimlər daxilində lider dəyişikliyi ola biləcəyini iddia edirlər.
Billurə
