Qazaxıstanda aparılan qazıntılar zamanı 140 hektarlıq ərazidə Tunc dövrünə aid “Semiyarka” adlı iri yaşayış məskəninin qalıqları tapılıb.
Missiya.Az xəbər verir ki, 3500 ildən artıq yaşı olan bu ərazi regionda indiyədək müəyyən edilmiş ən böyük planlaşdırılmış yaşayış məskənidir.
London Universitet Kolleci (UCL), Durham Universiteti və Torayhyrov Universitetinin birgə araşdırması nəticəsində burada çoxotaqlı evlər və mərkəzdə digər tikililərdən iki dəfə böyük olan bina qalıqları aşkarlanıb.
Tədqiqatın rəhbəri Milyana Radivojeviç kəşfin çöl icmalarına dair təsəvvürləri dəyişdirdiyini bildirib.
Alimlər bu tapıntını Avrasiya çöllərində bürünc istehsalına dair ən güclü sübutlardan biri kimi qiymətləndirirlər.
Seyranə QuliyevaMissiya.Az
