"Qalatasaray" müdafiə xəttini gücləndirmək üçün Rusiya nəhəngi "Zenit"in braziliyalı mərkəz müdafiəçisi Ninoya rəsmi təklif göndərməyə hazırlaşır.
Fanat.Az xəbər verir ki, İstanbul təmsilçisi bu transfer üçün 15 milyon avroluq büdcə ayırıb.
Məlumatı "Fichajes" nəşri yayıb.
Okan Burukun idarə etdiyi komanda müdafiədə daha dinamik, hava toplarında güclü və oyunqurma keyfiyyətləri yüksək olan bir futbolçu axtarır. Nino isə məhz bu xüsusiyyətləri ilə "Qalatasaray"ın əsas hədəflərindən birinə çevrilib.
27 yaşlı braziliyalı müdafiəçi bu mövsüm "Zenit"in əsas oyunçularından biridir və klubun onun satışı məsələsinə ehtiyatla yanaşdığı bildirilir.
Kamil Xudiyev
