Ekinokoklar - ölçüləri kiçik olan lentşəkilli qurdların yetkin formalarıdır və əsasən itlər kimi ətlərilə qidalanan heyvanların nazik bağırsağında parazitlik edirlər.
Redaktor.az xəbər verir ki, bu barədə lenta.ru-ya bioloq Olqa Trofimova danışıb.
Mütəxəssisin sözlərinə görə, bu parazitin əsas sahibləri itlər, canavarlar və tülkülərdir. İnsan isə aralıq sahib rolunu oynayır. Ekinokokkoz xəstəliyinə yoluxmuş insan ətrafdakı insanlar üçün təhlükə yaratmır, lakin xəstəlik xroniki xarakter daşıyır və yalnız cərrahi müdaxilə ilə müalicə olunur.
“İnsan əsasən xəstə heyvanlarla təmas zamanı yoluxa bilər - parazitin yumurtaları çox xırdadır və itin tüklərində olur. Yoluxma ən çox gündəlik təmas nəticəsində, itlərlə sıx ünsiyyət zamanı və gigiyena qaydalarına əməl edilmədikdə baş verir. Son vaxtlar insanlarda ekinokokla yoluxma halları artır, baxmayaraq ki, xəstəlik daha çox cənub bölgələrinə, xüsusilə qoyunçuluğun geniş yayıldığı ərazilərə xasdır”, - deyə Trofimova bildirib.
Onun sözlərinə görə, xəstəlikdən qorunmaq üçün profilaktikası aparılmamış, yad itlərlə təmasdan çəkinmək lazımdır. Həmçinin heyvanlarla ünsiyyətdən sonra mütləq sabunla əlləri yumaq vacibdir.
Aytəkin TOFİQQIZI
